KERALAMoviesNEWS

‘കുട്ടിക്കാലം മുതൽ സിനിമ വലിയ മോഹം, സർവീസിൽ നിന്ന് വിരമിച്ചതോടെ ഗൗരവമായി എടുക്കുന്നു’ ; സത്യൻ അന്തിക്കാടിന്റെ അസിസ്റ്റന്റായി ഋഷിരാജ് സിങ്

മുൻ ഡി.ജി.പി. ഋഷിരാജ് സിങ് സിനിമ സംവിധാനം പഠിക്കുന്നു. സത്യൻ അന്തിക്കാടിന്റെ പുതിയ ചിത്രത്തിൽ അസിസ്റ്റന്റായാണ് അദ്ദേഹം സിനിമ പഠിക്കുന്നത്. കുട്ടിക്കാലം മുതൽ സിനിമ വലിയ മോഹമായിരുന്നെന്നും സർവീസിൽ നിന്ന് വിരമിച്ചതോടെ ഗൗരവമായി എടുക്കുകയായിരുന്നെന്നും ഋഷിരാജ് സിങ് പറയുന്നു.

“കുട്ടികാലം മുതല്‍ തനിക്ക് സിനിമയോട് വലിയ മോഹമായിരുന്നു. എന്നും ഒരു സിനിമ കണ്ട ശേഷമാണ് ഉറങ്ങുന്നത്. സർവീസിൽ നിന്നും വിരമിച്ചതോടെ അത് ഗൗരവമായി പഠിക്കാനുള്ള സമയവും കിട്ടി. നടന്‍ ശ്രീനിവാസനെയാണ് ആദ്യം വിളിച്ചത്, അദ്ദേഹമാണ് സത്യന്‍ അന്തികാടിനെ നിര്‍ദേശിച്ചത്. പരിചയസമ്പന്നനായ ഒരാളുടെ കൂടെ പഠിക്കണമെന്നും സത്യനാണ് അതിന് പറ്റിയ ആളെന്നും ശ്രീനിവാസന്‍ പറഞ്ഞു.” ഋഷിരാജ് സിങ് പറഞ്ഞു.

ജയറാമും മീര ജാസ്മിനും പ്രധാനവേഷത്തില്‍ അഭിനയിക്കുന്ന ചിത്രത്തിലാണ് സത്യന്‍ അന്തിക്കാടിന്റെ അസിസ്റ്റന്റ് ഡയറക്ടര്‍മാരില്‍ ഒരാളായി ഋഷിരാജ് സിങ് പ്രവര്‍ത്തിക്കുന്നത്. സിനിമയുടെ കൊച്ചിയിലെ ലൊക്കേഷനില്‍ ദിവസവും ഋഷിരാജ് സിങ് എത്തുന്നുണ്ട്. മറ്റ് അസിസ്റ്റന്റുമാര്‍ക്കൊപ്പം ജോലി ചെയ്യുന്ന മുന്‍ ഡിജിപി, ഓരോ ഷോട്ടിനെ കുറിച്ചും തന്റെ പേപ്പറില്‍ എഴുതിവെക്കുകയും ചെയ്യുന്നു. അതീവ താല്‍പര്യത്തോടെയാണ് ഋഷിരാജ് സിങ് പഠിക്കുന്നതെന്നും അതുകൊണ്ടാണ് സിനിമയില്‍ പങ്കാളിയാക്കിയതെന്നുമായിരുന്നു സത്യന്‍ അന്തിക്കാടിന്റെ പ്രതികരണം. സംവിധാനം നന്നായി പഠിച്ച ശേഷം മാത്രമാകും ആദ്യ സിനിമ എടുക്കുകയെന്നും, ആദ്യ ചിത്രം മലയാളത്തില്‍ ആയിരിക്കും എന്നും ഋഷിരാജ് സിങ് വ്യക്തമാക്കി.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close