celebrityMovies

ജോജു ജോർജിന് ഇന്ന് പിറന്നാൾ ; ആഘോഷം ‘വോയ്സ് ഓഫ് സത്യനാഥന്റെ’ സെറ്റിൽ

സിനിമയിൽ വന്നിട്ട് ഏറെ വർഷങ്ങളായി ജോജു ജോർജ്. ഇപ്പോൾ സിനിമയിൽ സജീവമായ നടനാണ് അദ്ദേഹം. താരത്തിലേക്കുള്ള ജോജുവിന്റെ പ്രയാണം ആരെയും പ്രചോദിപ്പിക്കുന്നതാണ്. ഇന്ന് ജോജുവിന്റെ പിറന്നാൾ. ഏറെ നാളുകൾക്ക് ശേഷം ദിലീപ്-റാഫി കൂട്ടുകെട്ടിൽ, ഒരുങ്ങുന്ന ഏറ്റവും പുതിയ ചിത്രം “വോയിസ് ഓഫ് സത്യനാഥൻ” സെറ്റിൽ വെച്ചാണ് ഇത്തവണ ജോജുവിന്റെ പിറന്നാൾ ആഘോഷം. ദിലീപിനെ കൂടാതെ ചിത്രത്തിൽ ജോജുവും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

ബാദുഷ സിനിമാസിന്റേയും ഗ്രാന്റ് പ്രൊഡക്ഷന്‍സിന്റേയും ബാനറിൽ എൻ.എം ബാദുഷ, ഷിനോയ് മാത്യു, ദിലീപ്, പ്രിജിൻ ജെ.പി എന്നിവർ ചേർന്നാണ് നിർമ്മിക്കുന്നത്. ചിത്രത്തിന്റെ കഥ തിരക്കഥ സംഭാഷണം സംവിധാനം എന്നിവ നിർവ്വഹിച്ചിരിക്കുന്നത് റാഫി തന്നെയാണ്. ചിത്രത്തിൽ ദിലീപിനെ കൂടാതെ ജോജു ജോർജ്, സിദ്ധിഖ്, ജോണി ആന്റണി, വീണ നന്ദകുമാർ, രമേഷ് പിഷാരടി, അലൻസിയർ തുടങ്ങിയവരും പ്രധാന വേഷത്തിൽ എത്തുന്നു. മഞ്ജു ബാദുഷ, നീതു ഷിനോയ് എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്.

ചിത്രത്തിന്റെ ഛായാഗ്രഹണം നിർവ്വഹിക്കുന്നത് ജിതിൻ സ്റ്റാൻസ്ലാവോസ് ആണ്. സംഗീതം സംവിധാനം ചെയ്യുന്നത് ജസ്റ്റിൻ വർഗീസ്‌, എഡിറ്റർ -ഷമീർ മുഹമ്മദ്, വസ്ത്രാലങ്കാരം -സമീറ സനീഷ്, കല സംവിധാനം -എം ബാവ, പ്രൊഡക്ഷൻ കൺട്രോളർ -ഡിക്സൺ പൊടുത്താസ്, മേക്കപ്പ് -റോണക്സ് സേവിയർ, ചീഫ് അസ്സോസിയേറ്റ് ഡയറക്ടർ- സൈലെക്സ് എബ്രഹാം, അസ്സോസിയേറ്റ് ഡയറക്ടർ- മുബീൻ എം റാഫി, സ്റ്റിൽസ്- ഷാലു പേയാട്, പി.ആർ.ഒ- പി.ശിവപ്രസാദ് & മഞ്ജു ഗോപിനാഥ്, ഡിസൈൻ- ടെൻ പോയിന്റ് എന്നിവരാണ് മറ്റ് അണിയറ പ്രവർത്തകർ.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close