KERALANEWSTop NewsUncategorized

ഇസ്ലാമിക് സ്റ്റേറ്റുമായി ബന്ധം: കണ്ണൂരില്‍ രണ്ടു യുവതികള്‍ പിടിയില്‍; സോഷ്യൽ മീഡിയയിലൂടെ ഐഎസ്സിനായി ആശയപ്രചാരണമെന്ന് എന്‍ഐഎ

കണ്ണൂര്‍: ഭീകരസംഘടനയായ ഇസ്ലാമിക് സ്റ്റേറ്റുമായി (ഐഎസ്) ബന്ധമുണ്ടെന്ന സംശയത്തില്‍ രണ്ട് യുവതികളെ ദേശീയ അന്വേഷണ ഏജന്‍സി അറസ്റ്റു ചെയ്തു. ഷിഫ ഹാരിസ്, മിസ്ഹ സിദ്ദിഖ് എന്നിവരെയാണ് ഡല്‍ഹിയില്‍ നിന്നുള്ള എന്‍ഐഎ സംഘം അറസ്റ്റ് ചെയ്തത്. ക്രോണിക്കിള്‍ ഫൗണ്ടേഷന്‍ എന്ന പേരില്‍ ഗ്രൂപ്പുണ്ടാക്കി ഇവര്‍ സോഷ്യല്‍ മീഡിയയിലൂടെ ഐഎസ്സിനായി ആശയപ്രചാരണം നടത്തിയെന്നു കണ്ടെത്തിയതായി എന്‍ഐഎ പറയുന്നു.

ഇവരുടെ കൂട്ടാളി മുസാദ് അന്‍വര്‍ നേരത്തെ അറസ്റ്റിലായിരുന്നു.കഴിഞ്ഞ മാര്‍ച്ച് മുതല്‍ യുവതികള്‍ എന്‍ഐഎ സംഘത്തിന്റെ നിരീക്ഷണത്തിലായിരുന്നുവെന്നാണ് വിവരം. അമീര്‍ അബ്ദുള്‍ റഹ്മാന്‍ എന്നൊരാള്‍ നേരത്തെ മംഗലാപുരത്ത് നിന്ന് പിടിയിലായിരുന്നു. ഇയാളില്‍നിന്നു ലഭിച്ച സൂചനകളുടെ അടിസ്ഥാനത്തിലാണ് യുവതികളെ നിരീക്ഷണത്തിലാക്കിയത്. കേരളത്തില്‍ ഏഴ് പേരടങ്ങുന്ന സംഘമാണ് ഐഎസ് ആശയപ്രചാരണം നടത്തുന്നതെന്നാണ് എന്‍ഐഎ പറയുന്നത്.

ജമ്മുകശ്​മീരിൽ തീവ്രവാദ പ്രവർത്തനത്തിന്​ പദ്ധതിയി​ട്ടെന്ന കേസുമായി ബന്ധപ്പെട്ട്​ നേരത്തെ മൂന്ന്​ പേരെ ​െപാലീസ്​ അറസ്റ്റ്​ ചെയ്​തിരുന്നു. ഈ കേസുമായി ബന്ധപ്പെട്ടാണ്​ കണ്ണൂർ സ്വദേശികളും പിടിയിലായത്​. മാർച്ച്​ 15 നാണ്​ മലപ്പുറം കടന്നമണ്ണ സ്വദേശി മുഹമ്മദ്​ അമീൻ എന്ന അബൂ യഹ്​യ, കണ്ണൂർ ധനലക്ഷ്​മി ഹോസ്​പിറ്റലിന്​ സമീപം താമസിക്കുന്ന മുഷാബ്​ അൻവർ, കൊല്ലം ഓച്ചിറ മേമന സ്വദേശി ഡോ.റഹീസ്​ റഷീദ്​ എന്നിവരെ അറസ്​റ്റ്​ ചെയ്​തത്​.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close