KERALANEWSTop News

ജ​യി​ലി​നുള്ളിലെ അ​ന​ധി​കൃ​ത ​ഫോ​ൺ ഉ​പ​യോ​ഗം ഇനി നടക്കില്ല; മൊ​ബൈ​ൽ ഫോ​ൺ ഒ​ളി​പ്പി​ച്ച്​ ക​യ​റ്റി​യാ​ലും അ​തി​ൽ​ നി​ന്നും ഫോ​ൺ വി​ളിക്കാൻ ശ്രമിച്ചാലും പിടിക്കപ്പെടും; ജ​യി​ൽ വ​കു​പ്പി​ന്റെ പുതിയ പദ്ധതി ഇങ്ങനെ

തി​രു​വ​ന​ന്ത​പു​രം: ജ​യി​ലി​നുള്ളിലെ അ​ന​ധി​കൃ​ത ​ഫോ​ൺ ഉ​പ​യോ​ഗം ത​ട​യാ​ൻ മൊ​ബൈ​ൽ എ​ൻ​ഹാ​ൻ​സ്ഡ് സ്പെ​ക്ട്രം അ​ന​ലൈ​സ​ർ (എം.​ഇ.​എ​സ്.​എ) സാ​ങ്കേ​തി​ക വി​ദ്യ ഉ​പ​യോ​ഗി​ക്കാനുള്ള നീക്കവുമായി ജ​യി​ൽ വ​കു​പ്പ്. ഇനി ജ​യി​ലി​ലേ​ക്ക്​ മൊ​ബൈ​ൽ ഫോ​ൺ ഒ​ളി​പ്പി​ച്ച്​ ക​യ​റ്റി​യാ​ലും അ​തി​ൽ​നി​ന്നും ഫോ​ൺ വി​ളിക്കാൻ ശ്രമിച്ചാലും ഉടനെ അധികൃതർക്ക് വിവരം ലഭിക്കും.

ഫോ​ൺ കാ​ളു​ക​ൾ പ​രി​ശോ​ധി​ക്കാ​നും ത​ട​യാ​നു​മാ​യി ജ​യി​ൽ വ​ള​പ്പി​ൽ പ്ര​ത്യേ​ക ട​വ​റു​ക​ൾ സ്ഥാ​പി​ക്കു​ന്ന പ​ദ്ധ​തി​യാ​ണി​ത്. ഇ​തി​നാ​യു​ള്ള​ പ്രാ​ഥ​മി​ക ന​ട​പ​ടി​ക​ൾ ആ​രം​ഭി​ച്ചു കഴിഞ്ഞു. ത​ട​വു​കാ​ർ​ക്ക്​ വീ​ട്ടി​ലേ​ക്ക്​ ഫോ​ൺ ചെ​യ്യാനുള്ള സം​വി​ധാ​നം ജ​യി​ലു​ക​ളി​ൽ ഏ​ർ​പ്പെ​ടു​ത്തി​യി​ട്ടു​ണ്ട്. എ​ന്നാ​ൽ, പ​ല പ്ര​മു​ഖ കു​റ്റ​വാ​ളി​ക​ളും ജ​യി​ലി​ൽ സ്വ​ന്ത​മാ​യി മൊ​ബൈ​ൽ​ഫോ​ൺ സൂ​ക്ഷി​ക്കു​ന്നു​ണ്ടെ​ന്നും അ​തു​വ​ഴി കു​റ്റ​കൃ​ത്യ​ങ്ങ​ൾ ന​ട​ത്തു​ന്നു​​ണ്ടെ​ന്നും വ്യ​ക്ത​മാ​യ സാ​ഹ​ച​ര്യ​ത്തി​ലാ​ണ്​ പു​തി​യ സം​വി​ധാ​ന​ത്തെ​ക്കു​റി​ച്ച്​ ആ​ലോ​ചി​ക്കു​ന്ന​ത്. ജ​യി​ൽ ഉ​ദ്യോ​ഗ​സ്ഥ​രു​ടെ ദേ​ശീ​യ സ​മ്മേ​ള​ന​ത്തി​ൽ തി​ഹാ​ർ ജ​യി​ൽ അ​ധി​കൃ​ത​രാ​ണ്​ പു​തി​യ സാ​ങ്കേ​തി​ക​വി​ദ്യ അ​വ​ത​രി​പ്പി​ച്ച​ത്.

ഒ​രു കോ​ടി രൂ​പ​യാ​ണ് ട​വ​ർ സ്ഥാ​പി​ക്കാ​നു​ള്ള ചെ​ല​വ്. സം​സ്ഥാ​ന​ത്തെ എ​ല്ലാ മൊ​ബൈ​ൽ സേ​വ​ന​ങ്ങ​ളും ല​ഭി​ക്കു​ന്ന ട​വ​ർ ജ​യി​ൽ വ​ള​പ്പി​ൽ സ്ഥാ​പി​ക്കു​ന്ന​താ​ണ് ആ​ദ്യ​ഘ​ട്ടം. ട​വ​റി​ലേ​ക്ക്​ വ​രു​ന്ന കാ​ളു​ക​ൾ ടെ​ലി​ഫോ​ൺ വി​ങ് ദി​വ​സ​വും പ​രി​ശോ​ധി​ക്കും. ആ​വ​ശ്യ​മി​ല്ലാ​ത്ത കാ​ളു​ക​ൾ ബ്ലോ​ക്ക് ചെ​യ്യും. ജ​യി​ലി​നു​ള്ളി​ലേ​ക്ക്​ ര​ഹ​സ്യ​മാ​യി മൊ​ബൈ​ൽ ക​ട​ത്തി​യാ​ലും ഫോ​ൺ വി​ളി​ക്കു​മ്പോ​ൾ ട​വ​ർ പ​രി​ശോ​ധ​ന​യി​ൽ കു​ടു​ങ്ങും.

സം​സ്ഥാ​ന​ത്തെ ജ​യി​ലു​ക​ളി​ൽ​നി​ന്ന് ക​ഴി​ഞ്ഞ അ​ഞ്ചു വ​ർ​ഷ​ത്തി​നി​ടെ മി​ന്ന​ൽ പ​രി​ശോ​ധ​ന​ക​ളി​ൽ പി​ടി​കൂ​ടി​യ​ത് 75 ഓ​ളം മൊ​ബൈ​ൽ ഫോ​ണു​ക​ൾ. ക​ണ്ണൂ​രി​ൽ​നി​ന്ന്​ മു​പ്പ​തും വി​യ്യൂ​രി​ൽ​നി​ന്ന്​ ഇ​രു​പ​ത്തേ​ഴും ​േഫാ​ണു​ക​ളാ​ണ്​ പി​ടി​ച്ചെ​ടു​ത്ത​ത്. 2017ൽ 12, 2018​ൽ ര​ണ്ട്​, 2019ൽ 16, 2020​ൽ 26, ഈ​വ​ർ​ഷം ഇ​തു​വ​രെ 16 ഫോ​ണു​ക​ളും ക​ണ്ടെ​ടു​ത്ത​താ​യാ​ണ്​ ഔ​േ​ദ്യാ​ഗി​ക ക​ണ​ക്ക്. തി​രു​വ​ന​ന്ത​പു​രം വ​നി​താ ജ​യി​ലി​ൽ​നി​ന്ന് ര​ണ്ടു ഫോ​ണു​ക​ളും പി​ടി​കൂ​ടി. സിം ​കാ​ർ​ഡ്, പ​വ​ർ ബാ​ങ്ക്, ബാ​റ്റ​റി, ബ്ലൂ​ടൂ​ത്ത് ഇ​യ​ർ​ബ​ഡ്, യു.​എ​സ്.​ബി കേ​ബി​ൾ, ഡേ​റ്റാ കേ​ബി​ൾ, കാ​ർ​ഡ് റീ​ഡ​ർ തു​ട​ങ്ങി​യ​വ​യും വി​വി​ധ ജ​യി​ലു​ക​ളി​ൽ​നി​ന്ന് പി​ടി​ച്ചെ​ടു​ത്ത​താ​യി ക​ണ​ക്കു​ക​ൾ വ്യ​ക്ത​മാ​ക്കു​ന്നു.

കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ​ഗ്രൂപ്പിൽ അം​ഗമാകുക..

https://chat.whatsapp.com/F9NgXAb9Ii0L9HiAsjtcHo

വീഡിയോകൾക്ക് സന്ദർശിക്കുക മീഡിയമംഗളം യൂട്യൂബ്‌

https://www.youtube.com/channel/UCrbd0IZKIPud_hB8-5nsMLA

ടെല​ഗ്രാമിൽ പിന്തുടരുന്നതിന് ഈ ലിങ്കിൽ ക്ലിക്ക് ചെയ്യുക

https://t.me/mediamangalam

Tags
Show More

Related Articles

Leave a Reply

Your email address will not be published. Required fields are marked *

Back to top button
Close