KERALANEWS

വാക്സിനെടുക്കുന്നവ‍ർ കൊവിഡ് പരിശോധന നടത്തണമെന്ന കളക്ടറുടെ ഉത്തരവ് അന്തിമ തീരുമാനം ഇന്ന്; കളക്ടറുടെ തീരുമാനം അപ്രായോഗികം എന്ന് ഡിഎംഒയുടെ നിലപാട്

കണ്ണൂർ: ജില്ലയിൽ ആദ്യ ഡോസ് വാക്സിനെടുക്കുന്നവ‍ർ കൊവിഡ് പരിശോധന നടത്തണമെന്ന കളക്ടറുടെ ഉത്തരവ് പുനഃപരിശോധിക്കുമോ എന്നതിന് അന്തിമ തീരുമാനം ഇന്ന്. തീരുമാനം നാളെ മുതൽ നടപ്പാക്കാനിരിക്കെ പൊതുജനങ്ങൾക്കിടയിൽ കടുത്ത അമ‍ർഷം പുകയുന്നുണ്ട്. ഉത്തരവ് നടപ്പാക്കരുതെന്ന് കണ്ണൂർ ജില്ലാ പഞ്ചായത്ത് പ്രസിഡന്റ് പി പി ദിവ്യ പരസ്യമായി ആവശ്യപ്പെട്ടു. കളക്ടറുടെ തീരുമാനം അപ്രായോഗികം എന്നാണ് ഡിഎംഒയുടെയും നിലപാട്.

വാക്സീൻ കേന്ദ്രത്തിൽ തന്നെ ആൻറിജൻ ടെസ്റ്റ് നടത്താനുള്ള സൗകര്യം ഒരുക്കും എന്ന പ്രഖ്യാപനം നടപ്പാക്കാനുള്ള ആരോഗ്യപ്രവ‍ർത്തകരോ അടിസ്ഥാന സൗകര്യങ്ങളോ നിലവിലില്ല. ഇന്ന് ചേരുന്ന അവലോകന യോഗത്തിൽ ഉത്തരവ് പിൻവലിക്കാനുള്ള സാധ്യതയുണ്ട്. എന്നാൽ ഉത്തരവിനെ ആരോഗ്യമന്ത്രി തള്ളിപ്പറയാത്തത് കളക്ടർക്ക് പിടിവള്ളിയാണ്. കാസർകോട് തീരുമാനം ഇന്നലെ മുതൽ നടപ്പാക്കി തുടങ്ങിയെങ്കിലും വലിയ പ്രതിഷേധം ഉയ‍ർന്നുവന്നിട്ടില്ല. പക്ഷേ നാട്ടുകാരെ ആകെ ബുദ്ധിമുട്ടിക്കുന്ന നടപടിയാണിതെന്നാണ് ഈ രണ്ട് ജില്ലകളിലെയും പൊതുവികാരം.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close