NEWSTECHWORLD

സാമൂഹ്യ മാധ്യമങ്ങളിലെ ഇപ്പോഴത്തെ ചർച്ചാ വിഷയമായ ഗൂഗിൾ ഡൂഡിലിൽ പ്രത്യക്ഷപ്പെട്ടത് ആര്? ഉത്തരം ഇവിടെയുണ്ട്

ആരും പ്രതീക്ഷിക്കാതെ ഗൂഗിൾ ഡൂഡിലിൽ ഇന്ന് ഒരാൾ പ്രത്യക്ഷപ്പെട്ടു. പലർക്കും അത് ആരാണെന്ന് അറിയില്ല. സമൂഹമാദ്ധ്യമങ്ങളിലെ ഇപ്പോഴത്തെ ചർച്ചാ വിഷയവും ഇന്നത്തെ ഡൂഡിലിൽ തന്നെയാണ്.

ഗൂഗിൾ ഡൂഡിലിൽ ഇന്ന് പ്രത്യക്ഷപ്പെട്ട ആ വെക്തി ഇന്ത്യൻ സെൽ ബയോളജിസ്റ്റായ ഡോ.കമാൽ രണദിവെ എന്ന ശാസ്ത്രജ്ഞയാണ്. അവരുടെ 104ാം ജന്മദിനമാണ് ഇന്ന് ഗൂഗിൾ ഡൂഡിലൂടെ ആദരവർപ്പിച്ചിരിക്കുകയാണ്. വർഷങ്ങൾക്ക് മുൻപ് ഇന്ത്യൻ ശാസ്ത്രലോകത്തിന് പറയത്തക്ക നേട്ടങ്ങൾ അവകാശപ്പെടാനില്ലാത്ത കാലത്തും ശാസ്ത്രലോകത്തിന് അഭിമാനമായ ശാസ്ത്രജ്ഞയാണ് ഡോ.കമാൽ രണദിവെ. കാൻസർ ചികിത്സാ രംഗത്ത് വൻ കുതിച്ചു ചാട്ടത്തിന് കാരണമായ പല നീക്കങ്ങളും ഡോ.കമാലിന് സ്വന്തമാണ്.

സ്തനാർബുദവും പാരമ്പര്യവും തമ്മിലുള്ള ബന്ധം നിർദ്ദേശിക്കുകയും ക്യാൻസറുകളും ചില വൈറസുകളും തമ്മിലുള്ള ബന്ധം തിരിച്ചറിയുകയും ചെയ്ത ഇന്ത്യയിലെ ആദ്യത്തെ ഗവേഷകരിൽ ഒരാളാണ് രണദിവെ. കുഷ്ഠരോഗം ലോകത്തെ നിരവധി ജീവനുകളെ കീഴ്‌പ്പെടുത്തിയ സമയത്ത് രണദിവെ കുഷ്ഠരോഗത്തിന് കാരണമാകുന്ന മൈകോബാക്ടീരിയം ലെപ്രേ എന്ന ബാക്ടീരിയയെക്കുറിച്ച് പഠിക്കുകയും വാക്‌സിൻ വികസിപ്പിക്കാൻ സഹായിക്കുകയും ചെയ്തു.രാജ്യത്തെ ആദ്യത്തെ ടിഷ്യൂകൾച്ചർ ലബോറട്ടറിയുടെ സ്ഥാപക കൂടിയാണ് ഇവർ.

1973-ൽ ഡോ. രണദിവെയും 11 സഹപ്രവർത്തകരും ചേർന്ന് ശാസ്ത്രമേഖലകളിലെ സ്ത്രീകളെ പിന്തുണയ്‌ക്കുന്നതിനായി ഇന്ത്യൻ വിമൻ സയന്റിസ്റ്റ്‌സ് അസോസിയേഷൻ (IWSA) സ്ഥാപിച്ചു.നിലവിൽ ഇന്ത്യയിൽ ഉടനീളം 11 ശാഖകളുള്ള ഐഡബ്ല്യുഎസ്എ എന്ന പ്രസ്ഥാനം ഇന്ന് സ്ത്രീകളായ ആരോഗ്യ പ്രവർത്തകരെ പരിശീലിപ്പിക്കുകയും അവരുടെ ക്ഷേമത്തിനായി പ്രവർത്തിക്കുകയും ചെയ്യുന്നു. സ്വന്തം രാജ്യത്തിലേക്കുള്ള സംഭവാനകൾ അതുകൊണ്ടൊന്നും അവസാനിപ്പിച്ചില്ല രണദിവെ. വിദേശത്തുള്ള ഇന്ത്യൻ ഗവേഷക വിദ്യാർത്ഥികളെയും ശാസ്ത്രജ്ഞരേയും മാത്യരാജ്യത്തേക്ക് തിരിച്ചു വരാൻ പ്രേരിപ്പിക്കുകയും സ്വന്തം രാജ്യത്ത് ഗവേഷണങ്ങൾ നടത്താനും നിർദ്ദേശിച്ചു.ഇന്ത്യൻ ശാസ്ത്രലോകം വിസ്മരിക്കാതെ ഓർത്തിരിക്കേണ്ട ഒരു പേരാണ് ഡോ.കമാൽ രണദിവെ.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close