INDIANEWSSocial MediaTrendingviral

ഭാവി മരുമകനെ സ്നേഹിച്ചത് ഭക്ഷണത്തിലൂടെ; ഒരു വർഷം 365 ദിവസമാണെങ്കിൽ തീൻമേശയിൽ വിളമ്പിയത് 365 തരം വിഭവങ്ങൾ; വിരുന്ന് കണ്ട് ഞെട്ടി യുവാവ്; അവസ്ഥയെ ട്രോളി ട്രോളന്മാർ

അമരാവതി: സംക്രാന്തി ദിനത്തോട് അനുബന്ധിച്ച് ഭാവി മരുമകന് വേണ്ടി വധുവിന്റെ വീട്ടുകാർ ഒരുക്കിയ ഒരു വിരുന്നാണ് ഇപ്പോൾ സമൂഹമാധ്യമങ്ങളിലെ ചർച്ചാ വിഷയം. ആന്ധ്രാപ്രദേശ് പടിഞ്ഞാറൻ ഗോദാവരിയിലാണ് സംഭവം. ഭാവി മരുമകനായി പെൺകുട്ടിയുടെ വീട്ടുകാർ തയ്യാറാക്കിയത് 365 തരം വിഭവങ്ങളാണ്. തീൻ മേശയിൽ നിരത്തിയ പലഹാരങ്ങൾ കണ്ട യുവാവി​ന്റെ അവസ്തയെ ട്രോളി ട്രോളന്മാരും രംഗത്തെത്തിയിട്ടുണ്ട്.

സ്വർണവ്യാപാരിയായ അത്യം വെങ്കിടേശ്വര റാവുവും ഭാര്യയും ചേർന്നാണ് ഭാവി മരുമകൻ സായി കൃഷ്ണയ്ക്ക് വേണ്ടി അതിശയിപ്പിക്കുന്ന രീതിയിൽ സ്വീകരണം ഒരുക്കിയത്. ആന്ധ്രയിലെ പ്രധാന ഉത്സവങ്ങളിൽ ഒന്നാണ് സംക്രാന്തി ദിനം. ഈ ദിവസം മരുമക്കളെ വീട്ടിൽ വിളിച്ച് സൽക്കരിക്കുന്നത് പതിവാണ്. മകളുടെ വിവാഹം ഉറപ്പിച്ച ശേഷം വന്ന പ്രധാന ദിവസമായതിനാൽ സംക്രാന്തി ദിനം ആഘോഷമാക്കാൻ ഈ കുടുംബം തീരുമാനിക്കുകയായിരുന്നു.വീട്ടിലേയ്‌ക്കെത്തിയ ഭാവി മരുമകനുവേണ്ടി ചോറ്, ബിരിയാണി, 30 വ്യത്യസ്തയിനം കറികൾ, പുളിഹോര, 100 പരമ്പരാഗത പലഹാരങ്ങളും മധുരങ്ങളും , 15തരത്തിലുള്ള ഐസ്‌ക്രീം, കേക്ക് ,പഴങ്ങൾ, പാനീയങ്ങൾ എന്നിങ്ങനെ 365 വിഭവങ്ങളാണ് തയ്യാറാക്കിയത്.

‘ഞങ്ങളുടെ ഭാവി മരുമകനോടുള്ള ഞങ്ങളുടെ സ്‌നേഹം; ഒരു വർഷത്തിലെ 365 ദിവസം എന്നപോലെ 365 ഇനം ഭക്ഷണങ്ങൾ ക്രമീകരിച്ചു’. വൈവിധ്യമാർന്ന സൽക്കാരത്തിന്റെ കാരണം ഒരു കുടുംബാംഗം തുറന്നു പറയുന്നു.

സാമൂഹ്യ മാധ്യമങ്ങളിൽ ഈ സൽക്കാരത്തിന്റെ ദൃശ്യങ്ങൾ അടക്കം പ്രചരിച്ചതോടെ കമന്റുകളുമായി ഒട്ടേറെ പേർ രംഗത്തെത്തി. ഇത്രയും ഭക്ഷണം എങ്ങനെ മരുമകൻ കഴിച്ചു തീർക്കുമെന്ന സംശയമാണ് ചിലർ ഉയർത്തിയത്.

കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ​ഗ്രൂപ്പിൽ അം​ഗമാകുക..

https://chat.whatsapp.com/EL3rtE8pC5eBn31SSpe3zj

ഫേസ്ബുക്കിൽ പിന്തുടരുന്നതിന് പേജ് ലൈക്ക് ചെയ്യുക..

https://www.facebook.com/MediaMangalamnews

Tags
Show More

Related Articles

Leave a Reply

Your email address will not be published.

Back to top button
Close